هلي جلمة هله للجاي من بعيد
بلّسم والجراح اتطيب بالملكَـــه
هلي بين الطوايف راية العباس
وإلي حلف بيهم واجب اتصدكَه
هلي موكد عشيرة وسالفة ديوان
وي نبض الكلب فنجانهم دكَـــه
هلي ماي الفرات وعنبرالمشخاب
والنعناع منهم ماخذ الشهكَـــــــه
هلي ملح الجزيرة ال يّطَيب الزاد
و بلايه الملح كل طعم ما تلكَــــه
هلي سنةْ المحل ما سدوا البيبان
ومضيف الحسن بابه تلجْ زركَـــه
هلي صافي الذهب مابيهم المدغوش
للصين او صلوا بالسيف والدركَه
بخيتين وطفلهم لسه من يغتاض
من تنزل دمعته يجي البيتك ايحركَـــه
